| 1 |
Faamaonia le filifilia o Pule Sili o Matagaluega e lima a le Malo
Ua faamaonia mai e le Kapeneta le filifilia o Pule Sili o nisi Matagaluega e lima a le Malo, e tauave nei tofiga taua mo le isi tolu tausaga.
E tusa ai ma faiga faavae, e ta’itolu tausaga ma toe faasalalau nei avanoa. Ma e tatala avanoa e tusi talosaga mai iai soo se tagata e agavaa. Ma e agavaa foi sui o iai e toe talosaga.
Sa faataunuuina ese komiti faapitoa, faatalatalanoaga o nei avanoa. I le maea ai o faatalatalanoaga, ona aumai ai lea o le latou fautuaga i le Kapeneta. O i latou nei ua filifilia:
Pule sili mo le Matagaluega o Fesootaiga, Faamatalaga ma Fesootaiga Vavave Faaneionapo, ua toe filifilia ai Tua’imalo Ah Sam.
Pule Sili mo le Matagaluega o Tupe - Iulai Lavea lea ua sui tulaga ia Hinauri Petana.
Pule Sili Matagaluega Tau le Va i Fafo, ua toe filifilia ai Aiono Mose Sua
Pule Sili Matagaluega o Faamasinoga, ua toe filifilia ai Masinalupe Tusipa Masina
Pule Sili Matagaluega o Punaoa Faanatura ma le Siosiomaga ua filifilia ai Taulealeausumai L. Malua lea ua sui tulaga ia Tuuu Dr. Ieti Taulealo.
Na faaalia foi le agaga faafetai o le Kapeneta i le tautua a Hinauri Petana ma Tuuu Dr. Ieti Taulealo, sa faaaoga ai o laua tomai ma agavaa e tautua ai le Malo, mo tausaga e tele.
Cabinet approves the recommendations for CEOs
Cabinet has appointed five Chief Executive Officers for Government Ministries this week.
CEO for Ministry of Communication and Information Technology - Tua’imalo Ah Sam.
CEO for Ministry of Finance, Iulai Lavea now replaces Hinari Petana.
CEO for Ministry of Foreign Affairs, Aiono Mose Sua
CEO for Minsitry of Justice and Courts Administration, Masinalupe Tusipa Masina
CEO for Ministry of Natural Resources and Environment, Taulealeausumai L. Malua now replaces Tuuu Dr. Ieti Taulealo.
The CEO positions are re-advertised every three years according to Government policies. Interested applicants and the current CEOs are entitled to apply.
Cabinet has also acknowledged the long service by former Finance CEO, Hinari Petana and former Environment CEO, Tuuu Dr. Ieti Taulealo.
|
